Sembrando
lo nuestro futuro
Organizazions
aragonesistas convocan un acto conchunto con motivo d’o Día
Nazional d’Aragón
Onze
organizazions aragonesistas nos hemos achuntau baixo lo lema
“sembrando lo nuestro futuro”, con motivo d’a zelebrazión d’o
23 d’abril, Día Nazional D’Aragón, pa defender l’aragonesismo
como la clau e lo camín pa millorar las condizions d’os aragoneses
e aragonesas e las d’as chenerazions futuras e pa lograr lo millor
Aragón posible.
Chunta
Aragonesista, Alazetal, Estado aragonés, CUT, Renaxer, Aragón
Despierta, OSTA, Fundación Gaspar Torrente, Rasmia, Rolde de
Estudios Aragoneses e SOA suscriben un texto común, leyiu per José
Luis Melero, con l’obchetivo de construir las bases pa l’Aragón
d’o futuro, millorar lo sistema de finanziazión e defender lo
patrimonio politico, cultural e istorico d’Aragón. Antiparte, se
plantará una carrasca como simbolo d’a nuestra voluntat de ser e
pervivir.
Totas
las organizazions han signau un decálogo que chira sobre diez puntos
clau pa millorar las conzicions de vida d’a soziedat aragonesa.
-
Autogubierno
-
Pleno
desenrollo estatutario. -
Financiazión
propia e creación d’una Hacienda
aragonesa.
-
Prestazión
de servizios publicos de calidat. -
Luita
cuentra la despoblazión.
-
Apuesta
per un cambio productivo, la i+d+i e
l’apoyo a lo emprendimiento. -
Marco
normativo aragonés de relacions laborals -
Lei
de dreitos istoricos.
-
La
nuestra identidad, la nuestra cultura e
las nuestras lenguas propias.
-
Feminismo.
Dende
SOA hemos meso especial enfasi en o desenrollo de l’autogubierno,
la creación d’un marco aragonés de relazions laborals, desenrollo
d’un estatuto de coofizialidat de l’aragonés e lo catalán e
finalment la moratoria de toz los proyectos extractivistas d’o
territorio que no cumplen los obchetivos acordaus per la ONU pa lo
desenrollo sustenible. Sinse detrimento de no renunciar a la
sobiranía plena d’o pueblo aragonés e la clase treballadora. SOA
ye chenerosa e ubre espacios pa un aragonesismo de minimos.
Con
ixo queremos mostrar la importancia de mirar los nuestros puntos
comuns pa construir l’Aragón d’o futuro, millorar lo nuestro
sistema de finanziazión e protecher tot lo nuestro patrimonio.
L’acto
será este viernes, 23 d’abril, a las 10:30 en o Parque
del barranco (Torrero- La Paz) de Zaragoza,
un puesto cargau de significau pa l’aragonesismo per haber-ie
teniu puesto la batalla de Zaragoza lo 20 de agosto de 1710, que
permitió per zaguer vez e per
poco més de cuatro meses la
restituzión d’a plena sobiranía d’Aragón dimpués d’os
decretos d’abolizión foral de 1707.
Dende
las organizazions convocarodas s’invita a la ziudadanía aragonesa
a partizipar en o acto de forma virtual, plantando un árbol u
cualsequier
atra planta dende cualsequier
puesto, fotografiar-lo e divulgar-lo a traviés d’os
retes sozials.